!!..الشباب والشات..!!

هـ‘ـع

اولا جا الموضوع دا بعد موضوع البنات والشات..آلـي نـزلـته مـن قبـل

ودحين عاد حاب اقلب على الشباب مدري مسكت معايا على

نذاله وفي الموضوع دا مو كل الشباب لا بس الاغبياء يعني الاغبياء وأنواعهم وبس عاد ما ابغى ازعجكم في

مقدمه طويله بس اقول انشالله يعجبكم ......


طبعا اعطيكم بعض شخصياتهم

اول شي الغبي ( كامل الدسم )

وهدول اكتر ناس في الشات

مكان الاقامه : أي خاص مفتوح كان ولد ولا بنت

نكاتهم : (انا اكره البنات) (مافي اغبى من البنات ) ( ولد وسيم ) (ابحث عن مرأه ) ( نفسي احب ) والكثييير


معتقداتهم : (انو أي بنت لازم تكلمو برايفت )

طيب ندخل في الموضوع

اول شي دا تلقاه من سطوح لسطوح ما فكر ولد ولا بنت المهم يسطح وفي نوعين

اولا يا انو يقعد لي بنت يكلمها ولو ما ردت عليه شعاره ( يا تردي يا اخرب )

طبعا ويخرب عليها بفلود يفلودها او يكتب اصفار يملي فيها الشاشه الين ما ترد او اذا كان (واصل) يكلم سوبر

يطردها

ولا يروح لولد خاص ممكن نتعرف واللى يروحله يكون مشغول مو فاضي لا يقعدلو واذا ما رضي يتعرف عليه

يكتشف بعقلو الخطير أنو بنت بس داخله بأسم ولد وياريت يسيبو في حالو لا يطفشو اهلو الين ما يتعرف عليه

طيب لهم طريقه تانيه في التسطيح يروح لخمسه نكات خاص ويسلم في كل نك الين ما تحزن عليه وحده وترد

عليه اذا ما كان ولد داخل بنك بنت

طيب هذا النوع تلقاه اكثر نوع مستهدف من الشباب اللى يدخلو بنكات بنات عشان انواع الفله تطلع على راسو

وكل شي عندو بسرعه يحب بسرعه يكره بسرعه كل شي عندو بسرعه حتى عندو قدره عجيبه في الحب

تلقاه يحب خمس بنات في وقت واحد وكل بنت تطنشو تجيه حاله نفسيه صعبه وممكن يسير عدائي ويفضح

أي شي يعرفو عنها والسبب ليه تركتني ؟ <<< طيب من ابسط حقوقها شافتك غبي

وكل يوم تلقاه بنك (مجنون فلانه) واليوم اللى بعدو ( مجنون فلانه <<< بس فلانه دي نخنلف عن فلانه اللى قلبها )

ويجلس فتره من زمان على دا الحال ماحصل البنت اللى يحبها وتحبو بالعكس يعيش بعلاقات كتير وأطول علاقه

ممكن تكون اسبوع <<<<<<<<<< ودي لها ألف شكر على صبرها وان الله معا الصابرين
طيب بس خلصنا معا انو لو نبغى نعطى غبائهم حقو ما راح نخلص ويمكن نسوى منتدى عن الغباء واني في هذا المنبر أناشد من اخواني المشرفين بأن يقوموا بوضع قسم خاص للغباء فأن الغبااء ..... << اقول لا يكثر

ثاني شي الغبي ( قليل الدسم )

نكاتهم ( انـا مرهـ مرفـع..رومنسي مـنسي )

مكان اقامتهم : ( من الفئه المتنقله يعني بين الخاص والعام )

معتقداتهم : ( جمع بنات اكثر تربح تذكره سفر الى ايطاليا ومشاهده مباره مهمه )

هواياتهم :
هذا عندو هوايتين متقاربه في المضمون تلقى هوايته (1) جمع الطوابع .
(2) يتعرف على بنات .

(طبعا في الهوايتين هدفو واحد انو يجمع اكبر عدد ممكن من الصنف )


يعني بالعربي ادمي لصقه كل ما تدخل أي بنت للروم راحلها خاص ردت عليه ما ردت عليه المهم يروحلها خاص ومبدأه في الحياة ( لا يأس معا الحياة ولا حياة معا اليأس )

يعني يغث ام البنت الين ما تعطيه وجه ولو شافها ترد عليه بالعام يقلها طيب تعالي روم فاضي ولو ما ردت

عليه يجلس يكلمها في العام طول حياته الين ما ترد عليه وبرضو ما يفهم لا يرجعلها خاص

واذا بنت ما ردت عليه ممكن يتهور ويصارحها بحبو في العام قدام الناس يعني ممكن يسوى أي شي بسبيل انها تعطيه وجه .

طيب كل يوم تلقاه يناديك (يا مـنحوس تعال شوف حبيبتي الجديده)

وبعدين احلى شي عندو الافلام يظبط افلام هنديه مرا خطيرا كل ما بنت تتضارب معاه يسوى فلم انو بيترك

الشات انو ما يقدر يعيش من غيرها << يعني بأختصار كل ما تشوفو تحس نفسك بفلم رومنسي

وكل شويا يروح لأي واحد بالخاص ( اللى من نفس نوعيته ) يقوله اسمع ترا فلانه انا متعرف عليها بعد عنها

بس عندو ميزه حلوه النوع دا لا تستغربو عندو ميزه ان كل البنات اللى يتعرف عليهم ما يقلهم ابغى اكلمكم

جوال

( يعني البنت او الولد اللى داخل بنك بنت يرتاح معا النوعيه دي )

بعدين تشوف الايميل عندو كلو بنات <<<<<<<<< كأنها ايام صور البطل تحديات مين يجمع اكتر

طيب خلصنا من النوع دا

النوع الثالث الغبي ( الخالي من الدسم )
مكان أقامتهم : ( العام وبس )

نكاتهم : الولد الكول..أي نك فيه أسم سياره

معتقداتهم : ان كل البنات والشباب خربانين وهوا الصالح الوحيد

هوايتهم : ما اتوقع انه له هوايه غير كلمه (انا) <<< هوا كل شي

طبعا النوع دا يتمتع بثقل غريب من نوعه

هذا النوع تلقاه يتكلم في العام بس تلقاه يكلم نفسو محد معطيه وجه يعني مالو داعي في الحياة وتلقى النوع دا

قليل بس هذا له فوائد للبنات !!!

اقلكم كيف بنت تحب واحد في الشات مثلا موجود في الروم بس متضاربه معاه او مو متضاربه بس تبغى تحرق

دمو , عاد هنا يجي دور اخونا في الله تروح تكلموا كيفك؟؟ اخبارك ؟؟ وتتكلم معاه وهوا مسكين ما أعطتو وجه

الى عشان تحرق دم حبيبها وياريت يحمد ربه ان بنت اعطته وجه لا ادمي غريب اول ما تكلموا ما يشغل مخو

ويستغرب اشبها دي سارت تكلمني فجئه لا عينو قويه يقلها ليه كلهم جوكي خاص الى أنا يعني عندو ثقه بالنفس

مرا قويه بعدين مو متعود على كدا لما واحد يجي يقلو ترها تتونس عليك على طول تفكيرو يروح على اشبهم

غيرانين مني <<<<<<< يعني دا مرا ادمي مسكين وعجز الطب الحديث عن علاجه.

وبعدين دا وظيفته بالشات حامي حمى الشرف والفضيله في نظرو كل اللى في الشات منحرفين الى هوا

الصالح

الوحيد بعدين ما يشوف بنت وولد يتضاربو الى يدافع عن البنت طيب ياريت تكون البنت طيبه ما تعرف ترد لا

يكون لــــسـ البنت مرا طويل ــــــــان يعني مو محتاجه لخدماته وبالاخير البنت تشوف غبائو وترجع تقلو بطل لقافه يعني مرا مسكين وبرضو دا النوع مرغوب من الشباب اللى يدخلو بنك بنات عشان يتمتعو بثقلو الغبي

النوع الرابع ( غباء لم تكتشف شركات الالبان اسم له )

نكاتهم : الكااش ولد الأكابر

مكان اقامتهم : العام او أي خاص عندو فيه مصلحه

هواياتهم : الوصل الى اكبر درجات الغباء

هذا النوع لو بنت جاتلو قالتلو احبك يقلها طيب الساعه كم يعني ما يعرف( يصرفها تصريف حلو ) لا

يقلها انا أكرهك وتلقاه بعد هذا الموقف يجمع اصحابوا لمده شهر كل يوم يقلهم نفس الحكايه .

يعني هذا النوع كان جالس معا واحد وماسك ورقه وقلم ويحفظو الثقل وأي بنت تكلمو ما عندو الى رد واحد

( يلا حلى بلا حكحكه ) يعني أي بنت تكلمو تبغى تتعرف عليه <<<<<< دا تفكيرو

بعدين هذا النوع غير عن اللى قبلو اللى قبلو طيب يدافع عن البنات لا هذا يتضارب معاهم وما يتضارب معا أي

وحدا لا يدور الطيبه بينهم الهاديه اللى تغرق في شبر مويه يروح يتضارب معاها عشان عارف ما تقدر ترد عليه

وبعدين يسبها او يغلط عليها لو ان البنت ردت عليه او هزئتو على طول يطردها .

هذا الادمي ما تقدر تقول عنو غبي زي اللى فوقو لا هذا لو في وصـــف عن العباطه والغباء اكبر من كذا قولو

ولا تتردد.

بعدين لو لا سمح الله اتعرف على بنت هذا النوع من جد حالته صعبه يعني يحاول انو يمسك عليها أي شي

عشان لو فكرت تسيبو يهددها فيه يعني ادمي عندو حاله نفسيه .<<<<<< وهذا النوع بالذات بعدو عنه عشان

هذا خطر على البيئه وعلى المجتمع بالعكس لو حصلتوه اقرب مبيد حشرات .

والله يعين الشعب العربي على الغباء بأنواعه


وبس انشالله يعجبكم

منحوووس ههههههههههههههههههههههههههههههههههههههه

وكل يوم تلقاه بنك (مجنون فلانه) واليوم اللى بعدو ( مجنون فلانه <<< بس فلانه دي نخنلف عن فلانه اللى قلبها )
هههههههههههههههههههههههههههههههههههههههههههههههه
يوااااااد موضوع محششش مررررررررررررررة لو بجلس اعلق على كل التحشيش مارح نخلص بس موضوع بطل ويجي منك

والك تحياتي