كثير من البشر يسأل عن أسباب الحزن فيني...

كثير من البشر يسأل عن أسباب الحـزن فينـي
وكثير من البشر وده يعرف بدنيتـي وش صـار

وعلام اللي يقابلني يشـوف الدمـع فـي عينـي
وانا توي صغيره السن حزيـن وشـارد ومنهـار

انا بحكي بقول الحين عن اللي صار في سنينـي
ولكن قبل لا اتكلـم ابيكـم تحكمـو يـا اخيـار

تعالـو واشهـدو يانـاس تعالـو طالعـو فينـي
تعالو شاهدوا جسمي غدى ناحل وعقلـي طـار

انا مانـي تـرى مدمـن ولا ضاعـت ملايينـي
وربي يابشـر حالـي سبايـب وقتـي الغـدار

تعالو واسمعوا مني وش اسباب الحـزن فينـي
وشنهي سبة دموعي وش اللي بدنيتـي اسـرار

يتيـمٍ ايـه انـا عايـش يتيـم محـدٍ يراعينـي
ولحدٍ عني جاء يسـأل وحيـدٍ جالـسٍ بالـدار

يتيـمٍه مافـي بالعالـم رحـومٍ جـاء يواسينـي
يتيمٍه عايشه بحسـره وضيقـه عيشتـي امـرار

يتيمٍه فـي نهـار العيـد محـد جانـي ينادينـي
يقول لي خذ حلاو العيد زمانٍ كنا فيـه صغـار

يتيمٍه صـاح ياموتـي رجيتـك رجـوه تجينـي
يومٍ استاذي قال بكره يجـون ابائكـم ياصغـار

شهادتكـم تـرى بكـره وابوكـم لازم يجينـي
بسلمها انا بيـده وشهـادة شكـر مـع ازهـار

وجاء بكره وجيت امشي ولحدٍ ماسـك ايدينـي
ومن أي طالب دخل ماسك بدين ابوه صرت اغار

وكنـت الاول ولكـن دموعـي كانـت بعينـي
نزل دمعي وسط حفلٍ كبير وحاضرينـه كثـار

مقصر زادها الاستاذ ما بـارك صـار يعزينـي
شهاده كانت بيـدي احسهـا جمـرة مـن نـار

ترى هذا سبب واحد من اسباب الحـزن فينـي
يكفـي يابشـر ولا اكمـل وافشـي الاسـرار

ابحكي عن سبب ثاني سبب زاد الحـزن فينـي
حبيـبٍ مـت فـي حبـه ولكنّـه طلـع غـدار

انا رغم اليتـم حبيـت عشقـت بكـل مافينـي
عشقت وكنت له وافيه واذا اخطأ اجيب اعـذار

انا حبيت لي شخـصٍ عشقتـه عشقـي لعينـي
وهو حبني واقسم لي برب المصحـف الجبـار

انـا صدقـت حلفانـه وهقيـت انـه بيغلينـي
ومثل ماني احبه مـوت توقعتـه يجينـي بـار

ولكـن خيّـب ضنونـي توقعـتـه بيحميـنـي
توقعته حبيبـي يكـون ولكـن صاربـي غـدار

اثـاري كـان يتسلـى ووقتـه يضيعـه فينـي
وانا اللي أحّسبه يحبني واحسبه حاط لي مقـدار

قطع في طعنته اخر عـروق الفرحـه بسنينـي
وزاد الحزن في قلبـي وخلانـي اعيـش بنـار

خدعنـي ونيتـه ينهـي حياتـي وده ينهيـنـي
وعجزت اخذ بثاري منه حبيبي كيف اباخذ ثـار

ومـع غـدره وطعناتـه غرامـه ساكـنٍ فينـي
ولا ظني انا بنساه لـو اتعالـج بوسـط شهـار

عرفتو يابشر هالحين ليـه الدمـع فـي عينـي
عذرتوني على جسمي عذرتو عقلي اللـي طـار

وامانـه يابشـر تكفـون اذا منـكـم يلاقيـنـي
لايسألني وش الباقي من اللـي بدنيتـي اسـرار

لاني لو انـا بحكـي جميـع اللـي انـا فينـي
ياناس عقولكم والله بتلحـق عقلـي اللـي طـار

وسلامتكم
************************

((منقــــــــــــــــــــــــــــــــــــــــــــوول))

تجنننننننننننننن ياسوسه ياعسوله

والله يخليلك مامتك وبابتك يارب

مرووووووورك اللي يجنن ياقمر

يااارب وياك ياقلبو

لاتحرمينا من طلتك
ــــــــــــــــــــــ مره

مررررررررررررررررررررررررررررة تحزززززززن
احسها انكتبت من احساس صادق عاش التجربة
من جد ابداع ياسوسة

والك تحياتي

من جد مره مؤثره

يسلمووو سوسه