لو نفسك تتغيري للاحلى ادخلي

السلام عليكم و رحمة الله و بركاته بنات
شخباركم شو مسوين ؟؟؟يارب تكونو بصحه و عافيه

بنات شفتوا العنوان ؟؟؟ <<<< اكيد شافوه و لا كيف دشوا يالذكيه خخخخ
بنات انا وحده خاطري اتغير و اصير احلى و احلى و احلى الحمدلله على كل حال لكن الانسان طماع و دائما يسعى للافضل صح و لا لا؟؟

انا يا بنات ناويه ان شاء الله اتغيير و اصير احلى طيب ببتتسائلون كيف ؟؟؟انا اقوولكم كيف.......

اولا لازم نبدا بالعنايه بانفسنا من الداخل يعني لازم الوحده كل يوم تشرب ماي على الاقل لتر و هذا الشي يساعد على انه يصفي الوجه

ثانيا اكل الكثير من الخضار و الفواكه يعني كل يوم على الاقل تفاحتين 2 و صحن فتوش او تبوله او حتى سلطه عاديه و لا ننسى الكيوي ناكل على الاقل حبه يوميا لانه من جد يرفع نسبة الدم كثيير

ثالثا و انتي فالبيت سوي لنفسج عصير برتقال او عصير رمان ( عصير الرمان يرفع الدم سمعت امي تقول و يورد الوجه و الشفايف) او حتى عصير فراوله

هالثلاث نقاط بتساعدج على انج تكسبين صحه صفاء توريد الوجه و الشفايف و النضاره يعني حل مشكلتنا بنسبه 40%الحين عامل ثاني و اللي اغلبيتكم مش مهتمين فيه و لا عاطينه وجه ياحليله مسكيين هههههههه

عرفتوا وشو هو ؟؟؟ اكيد لا

يا حبيبتي هو الرياااااااااااااااااااااااااا اااضه والله ما الوومهاا لو تزعل مش عاطينها وجه خخخخ

يا بناات هاك اليوم انا رحت عند دكتوره و جالسه اقولها يا دكتوره ليش انا وجهي اصفر شاحب ما اطيق اشوفه فالمرايه و الله كرهت حياتي الحمدلله على كل حال

قالتلي انتي مو اول وحده تيجي تقولي ذا الكلام و انا

قالت انتي لو تهتمين بنفسج من ال ( أ ) لي ( ي ) و الله تصيرن قمر 14 قلت ياليت والله

قالت اولا تهتمين بصحتج من حيث الاكل ( مثل ما قلتلكم فوق) و لاازم لااازم كل يووم شي اساسي هو انك تلعبين اي ريااضه على الاقل ربع ساعه قلت طيب ليش قالت لان الرياضه تسااعد على تنشيط الدوره الدمويه فالجسم و اخراج السموم من الجسم و حتى انها تنحت الجسم نحت قالت هذا عامل اساسي اذا انتي حابة تجملي نفسج و تصيري قمووره

يعني يا بنات يا حلواات لازم تلعبن ريااضه لانها تحل جزء من المشكله و تساااعد كثير
الحين نيجي لثاالث شي الا وهو الفيتامينات

الفيتامينات ترفع نسبة الحديد فالجسم بطريقه عجييبه يعني شي حلو لو احنا كل يوم ناخذ هالفيتامينات مره او 2 بتساعدنا عدل

بس يا بنات انا افضل انكم تسالوون الصيدلي عن احسن و اضمن الانواع و اللي بالذات تناسبكم عشان تعطي مفعولها صح

اوكي يا بناات للحين انتو ويااي ولا نمتوا هههه
و بقووولكم عسر خطييييييير يساعد انج تبينييين اصغر بكثيير و هالسر الدكتووره بنفسها قالتلي و اللي هو النووووووووووووووووووووووووووو ووووووووووم ..... اكييد تقوولوون فنفسكم شو يخص النوم فالسالفه صح

الله يسلمكم يا قموورات الدكتوره قالتلي اذا تبين الهالات السودا تخف او تختفي و تبين وجهج منور و حلوو و يطلعج صغيره يعني انه ما يخلي شكلج وحده كبيره فالسن لازم تنامي و ترتاحي يعني ودعي السهر و قوليله بباي مع السلامه روحه بلا رده و لازم تصحين بدري هاا اوكي الحين يا بنات انا طرحتلكم كل الافكار المهمه اللي بدورها تساعد انها تعالج مشكلتنا و ان شاء الله تحلها

هذي العوامل اللي مفروظ تسوينها عشان اذا سويتي خلطه او شي تيب نتيجه و ان شاء الله توصلين لهدفج المراد

يلا ياا بنووتاات و بنييتات انا ان شاء الله ببدا اطبق هالكلام من باجر و يارب انك تعطيني الصبر اني اتابع عليه
و ان شاء الله بكمل وياكم بطرح خلطات او وصفات من المنتدى نفسه اللي ناويه اجربهم باذن الله

يلاا مع السلامه و اشوفكم على خير و اللي ناويه تشترك تتفضل المجال مفتووح للجميع ممكن تحط بعض النصايح اللي الكل بيستفييد منهاا يلا جااااااو

بناااات الموووضووع بيتجدد اوكي يعني بنزل فنفس الصفحه و كل ما اقدر بنزل شي جديد


الحيين بتكلم عن اشياء ثانيه ممكن تستفيدين بطريقه كبيره منها من حيث التفتيح و البياض و الصفاء

طبعا و بلا اي شك انتو يا بنات و انا ويااكم خخخ طاايحيين على خلطات التبييض من خلطه لين خلطه و لا نووقف

خلووونا نشووف مثااال وحده يت و شاافت خلطه و قاالت: والله شكلي بستمر على خلطه ابغاها تبييضني و تفتحني و تسوي مفعول و يوم تحطها و عشره لا و ما تسويها بالضبط و تطلع فالشمس من دون واقي و لا تستخدم منظف للوجه و لا تنظف المكياج و بس يوم على مزاجها تحط الخلطه و تيأس تقوول اففف ليش ما صرت بيضا و ليش وليش ويلا عااد ان انفتحت هالمغااره منو بيسكرهاا خخخخخخخ

دحين انتي يا اختي تبغي تووصلين لنتيجه معينه و بيااض خاطرج فيه و تحلمين فيه لازم اول شي تحطين في باالك اوووول شي و اهم الشي الصبببر و الاصرااار يعني مثلا خذت خلطة التبييض الفلانيه هذه شو اسوي؟؟ اول شي استمر عالخلطه المده المعينه اللي مكتووب عنها و احااول اني احاافظ علييها و كل يووم كل يووم احطها و استمر علييها يمكن في بناات يستمروون 3 اياام و ما يلاحظون الفرق ييئسوون و يتركوونها لا ماايصيير كل بشره تختلف عن الثاانيه لازم تستمري ليين ما تحصليين النتييجه و طبعا لااازم الاشيا الثاانيه او خلوونا نقوول عواامل مساعده مثل الترطييب و وااقي الشمس و التنظييف و الخ الخ

يعني من هذا الكلام كله اذا تبين الخلطه تنفعج امسكيها من ساسها لي رااسها و لا تفووتين و لا شي فيها امسكييها من كل جواانبها عشاان تحصلين عالنتييجه المرجووه

يعني ياا بناات اتبعن هالطرييقه اذا تبغوون الفاايده و هالكلاام مو مني لاا من الدكتووره هي قالتلي هالشي و ما قصرت ههه انا ما اوقف اسئله خخخخخ يلا ليي عوده باذن الله

يالله ابغى تفاعل

منقول

حلو خير كلامك سار كتير مافحالي اقرا معليش هههههه
ليا رجعه

والله كلام حلوووووووو


بس الكسل دبحنا

يسلموووووو ياحلو الطعمه