ايمو الطعمه

منتدى كيوت للطعمين
 
الرئيسيةالبوابةمكتبة الصورالتسجيلدخول

شاطر | 
 

 مرثية ناصر القحطاني

اذهب الى الأسفل 
كاتب الموضوعرسالة
totti 747
طعمون طعم
avatar

ذكر
عدد الرسائل : 119
العمر : 33
الموقع : المدينه
المزاج : قفل
تاريخ التسجيل : 25/05/2008

مُساهمةموضوع: مرثية ناصر القحطاني   الأربعاء يونيو 04, 2008 10:38 pm

مسا الخيرات وان طال البطى يالمنزل المهجور
----- ترا مــا ابطــــابي الا حـــالة مثلك يقـــدرهــــا

اذا عندك عتب لا مانع من معاتب المذكور
----- واذا عــز الرضى تفـــداك الاعــــذار ومقــابرها

انا اللي جيت لك والريح تعوي والشتا مسعور
----- ولابه مــــن دفى والمربعـــانيه بــاواخــرهـــا

تغير وانطبع دربك بلون المسك والكافــــــــور
----- وهذي رعشـة كفوفي ولابه مـــن يدثـــرهـــا

بعد ماكنت اجي بابك بدستور وبلا دستور
----- ولا ادري الا وذيك الدرفه اليمنى على آخــرها

طموحي عارضته اللي معاها كل شي يبور
---- وجا كسر الطموح اهون علي من كسر خاطرها

سنة ماقبل نذير الشيب كانت بأول الطابور
----- وكنت احلامــهـا ذيك السنه واول ســرايــرهــا

لقت قدامها فوضى وقلب وشاعر وجمهور
----- وجــات ورتبتني مـــن جديد وصرت شــاعــرها

بقيت اسري لها لا همني وحشه ولا ديجور
----- اشيل احلامنا تحت النــــجوم وهي تفســرهــا

سقى الله يوم جابت لي قبل يومين من عاشور
----- هذاك العسجد اللي جابه الله من عشايرهــــا

غلاها كان تحويشة عمر بشعور فوق شعور
----- الين اكتضت الاشــــــواق والهاني تكــاثرهـــا

ربت ماهي تحت ريشة نعام وفي بلاط قصور
----- ولكن لاترف لـــــه قيمـــه الا تحت اوامـــرهــا

يحملن امهات البيض تسع شهور تسع شهور
----- على رجوى بشايرهـــــا ولا لاحت بشــايرهــا

تقـــل بدر ولا بيـــات بدر تقـــول بـــدر بـــــدور
----- ولا بيات بــــــدر بــــدور يعني مـــانت خابرهــا

لو استقصوك عنها مانت محتاج لشهادة زور
----- تحت سقفك سحايب ملحها وامواج سكــــرها

مرق المتحف اللي من ورا اضلوعك فدتك الدور
----- وانا ما اقوى نظرما فيه بعد غياب ناظــــــــرها

حديقة بيت اهلها

سورها العــــالي

حمام الســــــور

زخارف بابـــهـــا

شباك غرفتـــها

ستــــايـــرهـــا

ورق جدرانها..سجادها..تقسيمة الديكـــــــور
----- خزاينــهــا ..هداياهـــا..رسايلـــها..خــواطـــرهــا

تحفها..مزهريتها..قصصها..شعرها المكسور
----- صورها..مكتبتها..اقلامــهــا..لـــمــة دفـــاتـــرهــا

زمام السيف ..شال الليل..حنا الكف..كحل الحور
----- حلقها..عطرها..فستانها الابيــــض..جــواهــرهــا

مرايتها..فصوص الساعه البيضا ام خمس سيور
----- خواتمها..قـــلايد جيــــدها..نقشـــات اســـاورهــا

ملابسها..بروق الوانهـــــا..دولابهـــــا الممطــور
----- من ازرقها..الى احمرها الى اخضرها الى اصفرها

نسانيس الهوا اللي ترتشف يشمومها المنثور
------ صخيفات المناديل اللــــــي احتضنت عبـــايـــرها

مصابيح المكان اللي خذا منه النهار النـــــــور
------ سنون مشاطها اللـــي مانست عشرة ظفايرهــا

بطاقات(ن) يطرزها صغار(ن) يحملون زهـــور
----- رحيل الدبلــــه اللـــي مــاتهنت في خنــاصــرهــا

زوايا كنهــــــــا بلــــور في بلــــور في بلـــور
----- مسى رزنامة(ن) غـاب الحـــرير اللـــي يغيـــرهــا

وش اقول لـ يتاماها الكثير الممتلين كسور
----- وانا اشياهـــا تحـــاصـــرني واحسبني محاصــرها

بكيت وصارت الدنيا قفص واستوحش العصفور
----- ضحكت وملت شبوك القفص من كذب طـــــايرهـــا

عرفت شلون الارض تدور وايام الزمان تدور
----- والاعيان انصفت كيف ومتى تذبـــــح مــحـــاجرهــا

ومتى تصير القبور بيوت وتصيرالبيوت قبور
----- وكيف الذكريـــــــات يذوب مـــاضيهـــا بحـــاضـرهــا

على الله وانت ابيك المتحف اللي للعرب معذور
----- الى جتك العيـــون وصـــــدت ابوابـــك نواظـــرهـــا

تمر اجيال وتصدر سواليف وتعيش عصـــــــــور
------ وتروي سالفة عمري مــــن اولهـــا الــى اخرهـــا


هذه القصيدة الجميله للشاعر ناصر القحطاني في رثاء زوجته

دمتم بخير وعافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
totti 747
طعمون طعم
avatar

ذكر
عدد الرسائل : 119
العمر : 33
الموقع : المدينه
المزاج : قفل
تاريخ التسجيل : 25/05/2008

مُساهمةموضوع: رد: مرثية ناصر القحطاني   الأربعاء يونيو 04, 2008 10:40 pm

منقول

اتمنى ان تنال على رضائكم

الف تحيه للجميه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جداوي غير
طعمون مهم
avatar

ذكر
عدد الرسائل : 1579
العمر : 31
الموقع : جدة غير
المزاج : ^_^
مزاااجي :
تاريخ التسجيل : 24/05/2008

مُساهمةموضوع: رد: مرثية ناصر القحطاني   الخميس يونيو 05, 2008 11:57 pm

قصيدة وكلمات غاااية في الجمال
مع انو في بعض الكلمات مافهمتها\
بس لا اخفي اعجابي بالقصيدة
سلمت توتي ع النقل
والك تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ايمو الطعمه
اطعـــــم مديره
avatar

انثى
عدد الرسائل : 1080
العمر : 30
مزاااجي :
تاريخ التسجيل : 01/05/2008

مُساهمةموضوع: رد: مرثية ناصر القحطاني   السبت يونيو 07, 2008 9:29 am

اتسلم على مرورك

تحياتي

_________________

ياهووووووووو سامحوني عالقصور لاني مقدر ادخل النت لاني
مسافره واكيد ماراح اقصر لو الفرصه سمحتلي ادخل احوبكم
وراح توحشوني اممموووواااااه لاحلى تعامه وكريزي وشموخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://emo-al63mah.ahlamountada.com
تويتي
طعمون مهم
avatar

ذكر
عدد الرسائل : 857
العمر : 31
الموقع : رآآح توحشـونــي
المزاج : مونحـرف
مزاااجي :
تاريخ التسجيل : 21/05/2008

مُساهمةموضوع: رد: مرثية ناصر القحطاني   السبت يونيو 07, 2008 9:38 am

والله ابدااع ياتوتي


تشبيـــة جدا جميـــل



لاهنت حبيبي


والله جدا روعة القصيدة

_________________

تمنيت اكـوـون دمـعـهـ حتى أولـد في عين كل الآحبـهـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مرثية ناصر القحطاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ايمو الطعمه :: المنتديات الادبيه :: الشعر-
انتقل الى: